Според истражувањето спроведено од страна на "DIRECTV", луѓето кои обожуваат да ја гледаат ТВ серијата "Friends" имаат подобри резултати на тестови и се поинтелигентни од останатите.
Истражувањето ја проучувало врската помеѓу ТВ сериите и интелигенцијата, а истото било спроведено помеѓу студенти на американските универзитети. Истражувачите ги споредувале нивните резултати од SAT тестовите кои во САД служат како вид на приемен испит и ТВ програмите кои тие ги гледале и во кои најмногу уживале.
Резултатите од студијата покажале дека ТВ серијата "Friends" е најпопуларна помеѓу студентите кои имале подобри резултати на тестовите. Освен "Friends", на листата на омилени серии се нашле и уште некои комедии поради кои авторите на истражувањето заклучиле дека подобри резултати постигнуваат луѓето кои сакаат да се смеат, гледајќи телевизија.
Освен "Friends", како омилени серии помеѓу студентите кои покажале одлични резултати се наведуваат и "The Simpsons", "Seinfeld" и "South Park", како и "House of Cards", "Top Gear" и "Sherlock". Оние кои покажале послаби резултати ги навеле "Game of Thrones", "Dexter" и "Breaking Bad" како омилени ТВ серии.
