Единствена Македонија изрази вознемиреност од денешната изјава на министерката за одбрана Радмила Шекеринска околу издвојувањата на министерството за кампањата за референдумот на 30 септември.
„Скандалот и вознемиреноста се уште поголеми ако се знае дека сите министерства и другите органи на државаната управа се задолжени да достават информации за средствата што ќе ги одвојат за кампања за референдумот и во услови кога само од едно министерство Шекеринска веќе одвои 1 милион евра, уште сега е јасно дека крајната сума од сите министерства и други државни органи ќе достигне десетици милиони евра народни пари за кампања за референдумот за промена на името и идентитетот на македонскиот народ“, се вели во реакцијата на Единствена Македонија.
Политичката партија побара одговорност, за како што вели, флагрантното кршење на законите со едностраното буџетско финасирање на референдумската кампања.
