Спорот помеѓу Канада и Саудиска Арабија започна кога канадските високи функционери започнаа со критикување на апсењата на активистите во Саудиска Арабија.
Саудиска Арабија ги стопираше летовите кон Торонто, откако Канада побара ослободување на активистките за правата на жените. Властите од Ријад му дадоа 24 часа на канадскиот амбасадор во Саудиска Арабија да ја напушти државата и експресно ги замрзнаа сите трговски односи со Канада, додека пак од Отава најавија дека ќе продолжат да ги бранат човековите права.
Во меѓувреме, британски „БиБиСи“ пренесува дека на социјалната мрежа Твитер била објавена контроверзна фотографија на профил поврзан со саудиските власти, на која што може да се види како канадски патнички авион лета кон познатата “CN” кула во Торонто.
This tweet by an official Saudi propaganda account @Infographic_ksa has now been deleted.
— Elizabeth Tsurkov (@Elizrael) August 6, 2018
Seems they realized that reminding us that 15 of the 9/11 hijackers were Saudi is not a great idea. pic.twitter.com/N82QbVIpTi
На фотографијата стои текстот: „На секој кој што се меша во туѓи работи, ќе му се случи тоа што не го посакува“.
Оваа објава предизвика вистинска лавина на реакции на социјалните мрежи, а многумина ја поврзаа со терористичкиот напад во Њујорк во 2001-ва година и рушењето на Светскиот трговски центар – напад кој што беше организиран и спроведен воглавно од државјани на Саудиска Арабија.
Профилот со објавата на Твитер набрзо беше избришан, но останатите корисници на Твитер веднаш ја превзедоа фотографијата која што и натаму кружи на интернет.
