Gorilla Fastback Drift ги освои срцата на љубителите на добрите часовници

Инспирирана од легендарната часовничарска компанија Audemars Piguet, компанијата Gorilla Watches одлучила да го копира швајцарскиот принцип за креирање на часовници и да претстави спортски и издржливи верзии на часовници кои навистина се интересни за око.

Fastback Drift е првиот модел од оваа компанија за кој можеме да кажеме дека изгледа фантастично. Тој е визуелно преубав и потсетува на G Shock моделите поради својата гумена, заштитна маска, иако делува многу поелегантно и поубаво. 

Куќиштето е со големина од 44 милиметри, што значи дека е прилично големо и е направено од лесен, но издржлив карбон кој е отпорен на удари, гребаници и високи температури. Во внатрешноста на куќиштето се наоѓа прецизен ETA 2824 механизам кој е навистина одличен. Стаклото на бројчаникот е исто така отпорно на гребаници и удари, а самиот часовник има можност да се носи на длабочини од 100 метри, што значи дека е погоден и за нуркачи.

Секако, овој часовник може да се носи и во работни услови бидејќи е многу отпорен и издржлив така што неговите креатори сметаат дека ќе има голем број купувачи. Цената на овој часовник ќе изнесува 3000 долари, што кога ќе се земе предвид неговиот изглед и неговата долготрајност, тогаш оваа цена сосема одговара на квалитетот.