Шефот на спасувачката мисија ја отфрли помошта на Илон Маск

„Иако неговата технологија е добра, тоа не е добро за оваа мисија“, рече Наронгсак Осатанакорн, кој моментално ја координира мисијата.

Маск преку социјалната мрежа „Твитер“ соопшти дека се наоѓа во Тајланд со прототипот на мини-подморницата, кој ако не сега, би можел да послужи во иднина.

„Само што се вратив од пештерата Три. Мини-подморницата е подготвена доколку има потреба. Направена е од ракетни делови и наречена „Дива свиња“ по името на фудбалскиот клуб за кој тренираат децата. Ја оставам во случај да најде корист во иднина“, напиша Маск, којобјави и видео-снимка од симулацијата на движење на подморницата низ пештерата.