Претседателот на Владата на Република Македонија Зоран Заев денеска имаше 60 минутен телефонски разговор со претседателот на Владата на Република Грција Алексис Ципрас, потврди Владата. Разговорот, како што пренесе Владата, се реализирал помеѓу 14 и 15 часот по македонско време.
За време на разговорот се дискутирало за преостанатите прашања и биле разгледани неколку идеи за решенија. Во текот на утрешното претпладне ќе следува уште еден телефонски разговор, додава Владата на Република Македонија.
