Група американски дипломати се наоѓаат во Северна Кореја, со цел да ги започнат разговорите за подготовка на самитот помеѓу Доналд Трамп и Ким Јонг Ун, пишува „Вашингтон пост“.
Американскиот весник се повикува на неименуван извор кој бил запознаен со настаните.
Истиот извор тврди дека поранешниот американски амбасадор во Јужна Кореја, Сунг Ким, допатувал од Филипините каде во моментов е амбасадор, за да ги предводи подготовките.