Манчестер Сити е клуб кој што е меѓу финансиски најмоќните клубови на светот, а „Граѓаните“ во изминатите години трошеа вртоглави суми на засилувања.
Сепак, се чини дека Манчестер Сити ова лето нема да троши многу на нови играчи, така барем тврди тренерот на екипата, Пеп Гвардиола.
„Ќе доведеме еден или двајца играчи. Можеби луѓето не ми веруваат, но немаме 300 милиони фунти за трошење секоја сезона. Доста пари инвестиравме, сега ќе вложуваме помалку. Тоа ќе го правиме во еден трансфер период, а не во два или три“, изјави Пеп Гвардиола и додаде:
„Основната причина за успехот оваа сезона е квалитетот на играчите. Луѓето велат дека сме инвестирале и во право се за тоа“, изјави Пеп Гвардиола.