Џиџи Буфон најави дека ќе ја соопшти својата одлука околку евентуалното завршување на кариерата по средбата со претседателот на Јувентус, Андреа Ањели, а тоа очигледно ќе се случи пред последното коло во Серија А.
Легендарниот италијански голман го обезбеди седмото скудето по ред заедно со своите играчи, па за во четврток најави прес-конференција, односно средба со новинарите на која ќе ја соопшти својата одлука.
Се претпоставува дека Буфон ќе објави крај на кариерата, бидејќи во тој стил се и последните изјави на претставници на Јувентус, односно неговите соиграчи. Прес-конференцијата е закажана за во четврток во 11:30 часот.