Зинедин Зидан синоќа го одведе мадридски Реал во уште едно финале од најелитното европско клубско натпреварување - Лигата на шампионите.
Откако Реал Мадрид успеа да се пласира во финалето, Зидан изјави дека му е сеедно против која екипа неговите момци ќе играат во Киев. Тренерот на Реал не ја отпишува ниту Рома, иако Римјаните на првиот натпревар загубија со 5:2.
„Со кого ќе играме во финалето, Ливерпул или Рома? Во фудбалот се е можно, Рома се уште има шанси за пласман во финалето“, изјави Зинедин Зидан.
Финалето од Лигата на шампионите се игра на 26-ти мај во главниот град на Украина, Киев, а после Реал, вечерва ќе го дознаеме и вториот патник.