Кавадарчанец е тешко повреден додека работел на нива. Според полицијата, вчера во 8:50 часот во Полициската станица Кавадарци од Јавната здравствена установа Кавадарци било пријавено дека кај нив бил донесен повреден В.Ј. (67) од селото Сирково.
Во 7 часот во нива лоцирана во близина на с.Сирково, додека ја закачувал приколката, тракторот кој не бил закочен почнал да се движи при што В.Ј. паднал од тракторот и бил прегазен. Тој се здобил со тешки телесни повреди и по укажаната лекарска помош бил пренесен во Ургентен центар при комплексот клиники „Мајка Тереза“ во Скопје. Увид на местото на настанот извршила екипа од Полициската станица Кавадарци.
