Германските медиуми ги коментираат случувањата во Сирија и околу неа, посебно твитовите на претседателот на САД, Доналд Трамп, во кој моментално гледаат поголема опасност по светскиот мир отколку во рускиот претседател Владимир Путин.
Претседателот на САД, Доналд Трамп, во четвртокот објавил твит со текст: "Русија тврди дека ќе ги собори сите ракети кои ќе бидат лансирани кон Сирија. Подготви се Русија, бидејќи тие доаѓаат".
Тоа е сфатено како директна најава за војна, но портпаролката на Белата Куќа, Сара Сандерс, тоа брзо го релативизирала со изјавата дека станува збор "за една опција, но дека тоа не значи дека станува збор за единствена опција или единственото нешто што би можел претседателот да го направи".
"Не сме на пат кон Студена војна, ние сме во неа", смета весникот "Westfalenpost". "Трамп е непресметлив. Неговиот претходник многу се закануваше, но никогаш не делуваше. Најавата на претседателот на САД дека ќе ги нападне Русија и Сирија е погрешна. Бидејќи, таа го води светот на раб на војна, целиот свет", додава весникот.
Russia vows to shoot down any and all missiles fired at Syria. Get ready Russia, because they will be coming, nice and new and “smart!” You shouldn’t be partners with a Gas Killing Animal who kills his people and enjoys it!
— Donald J. Trump (@realDonaldTrump) April 11, 2018
"Ќе му го блокира ли некој конечно пристапот на претседателот на Твитер", пишува коментаторот на "Allgemeine zeitung". "Заканувањето на Трамп против малцинствата и политичките противници е едно. Неговата најава за воен судир меѓу САД и Израел е нешто сосема друго. Како може некој да биде толку глупав и да го провоцира противникот до таа мерка", се прашува весникот.
Коментаторот на весникот "Badische neueste nachrichten" го поткачил и Советот за безбедност.
"Оние кои блокираат зададоа нов удар. Бидејќи Обединетите нации неславно потфрлија, сега расте опасноста од голем воен напад на САД на Сирија. Советот за безбедност е инструмент за превенција на кризи, измислен во текот на Студената војна, но тој инструмент дошол до своите граници. За да го зачува својот легитимитет, тој мора да биде реформиран", пишува "Badische neueste nachrichten".
Our relationship with Russia is worse now than it has ever been, and that includes the Cold War. There is no reason for this. Russia needs us to help with their economy, something that would be very easy to do, and we need all nations to work together. Stop the arms race?
— Donald J. Trump (@realDonaldTrump) April 11, 2018
"Koelner Stadtanzeiger" констатира: "Доналд Трамп нема ни план ни стратегија, ни јасна цел".
Дневникот "Rhein Zeitung" е уверен дека без идеја за тоа што би требало подоцна да се случи во Сирија, воен удар нема смисла. Ако неколку "Томахавки" е се што САД има да понуди, подобро да ги остави во футролата.
"Тука е Русија, која безусловно ја поддржува бруталната диктатура на Асад и нејзината војна, и која со своите бомбардирања ја навлекува вината на себе", пишува "Sueddeutsche zeitung", а таму е и еден претседател на САД, кој еден ден најавува повлекување, а следниот ден бомбардирање, а трет ден веројатно тоа повеќе нема ни да го интересира. Има ракети, но нема стратегија.
Never said when an attack on Syria would take place. Could be very soon or not so soon at all! In any event, the United States, under my Administration, has done a great job of ridding the region of ISIS. Where is our “Thank you America?”
— Donald J. Trump (@realDonaldTrump) April 12, 2018
"На човек му доаѓа да се запраша: дали е тој при чиста свест", пишува за Трамп весникот "Frankfurter allgemeine zeitung".
"Зарем неговата неконтролираност не знае за никакви граници? Последниот твит на адреса на Русија, во кој со висок тон најавува ракетирање на Сирија, е неверојатен. Таква приказна би можела да доведе до воен судир меѓу САД и Русија, и не се согласува со одговорноста на функцијата на човекот кој се смета за предводник на слободниот свет", пишува весникот од Франкфурт.