Сменетиот каталонски лидер Карлес Пуџдемон ќе одржи конференција за медиуми во Брисел. Во светските медими сè погласно се пишува дека тој ќе побара политички азил.
Пуџдемон вчера замина во Брисел, истиот ден кога шпанското обвинителство објави дека ќе покрене обвинение за бунт против него и уште неколку каталонски министри.
Белгија им дозволува азил на граѓани од други европски држави, а во минатото некои баскиски сепаратисти не биле екстрадирани во Шпанија додека барале азил, што предизвикало повеќегодишна напнатост меѓу двете земји.
Сменетиот каталонски лидер и уште пет сменети министри би можеле во Белгија да добијат азил во случај да докажат дека се жртви на тежок прогон и дека им се заканува сериозна опасност.
