Германскиот клупски фудбал доживеа незапаметен дебакл откако сите шест клубови кои се натпреваруваат во европските купови забележаа порази оваа недела.
Дебаклот го најавија најпопуларните клубови Борусија Дортмунд и Баерн Минхен.
Борусија се очекуваше дека ќе му пружи достоен отпор на европскиот првак Реал, но „Кралскиот клуб“ лесно славеше во Дортмунд со 3:1. Истата вечер пораз запиша и дебитантот во Лигата на шампионите, Лајпциг, кој гостуваше во Истанбул, кај Бешикташ. Турскиот шампион со головите во првото полувреме победи со 2:0.
Во средата Баварците гостуваа во Париз и загубија со 3:0 од ПСЖ. Поради овој пораз, вчера Баерн му врачи отказ на тренерот Карло Анчелоти.
Три тима играа синоќа во Лига Европа и сите загубија.
Хофенхајм водеше кај Лудогорец, но на крајот загуби 2:1. Келн ја пречека Црвена звезда и не успеа победи. Белградскиот тим славеше со 1:0, додека Херта минимално загуби од Естерсунд.
