ВМРО-ДПМНЕ: Јован Стојановски нема ни визија ни проекти

Макфакс

26/09/2017

01:04

1.083

Големина на фонт

а а а

ВМРО-ДПМНЕ во едно од многуте соопштенија, во кои разобличува криминал на кандидатите за градоначалници на СДСМ што уште не дошле на власт, испрати реакција и за Јован Стојаноски, кандидат за Охрид. Според таа партија, преку манипулативни изјави тој се обидува да ги излаже граѓаните на општина Охрид дека има некаква визија и проекти за да создаде подобри можности за охриѓани.

„Стојаноски единствено е познат по примање мито за полагање испити и по неговото недолично и скандалозно однесување како на факултетот така и во јавноста, така што попусти се неговите изјави за својата наводна чесна мисија кога тој во тоа не може да ги убеди ни членовите на СДС во Охрид, а не преостанатите охриѓани.

Тие се сеќаваат дека во времето на владеењето на СДС, Стојаноски како продекан за финансии трошејќи пари за скапи патувања, вечери и високи бонуси, за своите колеги беше виновникот за финансискиот колапс на Факултетот за туризам и угостителство. Тие нема да дозволат тоа да се случи и со нивната општина.

На охриѓани им е повеќе од јасно дека Јован Стојаноски е ништо повеќе од обична марионета на Зоран Заев и Томислав Тунтев, кои преку него сакаат да ја земат општината во свои раце и да ја уништат како што тоа се случуваше во времето на Александар Петрески, кој остави долг од над 50 милиони евра“, стои во реакцијата од оваа партија.