Заев со честитка до исламските верници и до Реисот по повод Рамазан Бајрам

Макфакс

24/06/2017

13:33

618

Големина на фонт

а а а

Премиерот, Зоран Заев, за празникот Рамазан Бајрам упати Честитка до поглаварот на Исламската верска заедница, Хаџи Сулејман ефенди Реџепи и до граѓаните кои го чествуваат празникот.

Во честитиката пишува: „Го честитам големиот празник Рамазан Бајрам на Вас, на членовите на Исламската верска заедница и на ситеграѓани што го чествуваат празникот, во име на Владата на Република Македонија и во мое име. Светите празници, како што е Рамазан Бајрам носат голема духовната сила којашто ја зајакнува вербата на луѓето во доброто, вистината, правдата и поттикнува желба за меѓусебна почит, разбирање, солидарност. Ова се вредностите што водат кон спокоен и среќен живот. А човекот може да биде вистински спокоен и среќен, ако живее во општество на спокојни и среќни луѓе. Затоа почитувани сограѓани, да продолжиме заедно по патот што го избравме, здружено и единствени. Почнавме даградиме едно заеднично општество за сите граѓани, со еднакви шанси за секој и знам дека заедно ќе успееме да обезбедиме квалитетен живот за сите нас. Бидете чесни и одговорни граѓани кон себе, кон своето семејство и кон државата. Нашата заедничка иднина е во економски напредна и просперитетна Македонија, во неа заедно вложуваме и заедно ќе успееме. Честит Рамазан Бајрам почитувани сограѓани!“, напиша премиерот Заев во Четитиката за празникот.



Спонзорирани линкови

Маркетинг