Клоп ја отфрли можноста за заминување во Манчестер Јунајтед

Точка

22/04/2014

19:55

2.909

Големина на фонт

а а а

Тренерот на Борусија Дортмунд, Јирген Клоп се споменува како еден од главните кандидати за наследник на сега веќе поранешниот тренер на Јунајтед, Дејвид Мојс.

По вчерашните гласини за отказот на Мојс кои денес добија и официјална потврда, угледниот Guardian ги објави потенцијалните кандидати за тренер на Манчестер Јунајтед. Тоа се Јирген Клоп, Лоран Блан, Диего Симеоне и Луис Ван Гал.

„Манчестер Јунајтед е голем клуб и има прекрасни навивачи. Меѓутоа, мојата врска со Борусија Дортмунд и луѓето во клубот е нераскинлива“, изјави Клоп кој исто така беше поврзуван со тренерската функција во Барселна.

Меѓутоа, хармизматичниот Германец тврди дека не го интересира ниту еден клуб, освен Борусија Дортмунд.

„Ниту еден клуб не треба воопшто да помисли да се обиде да ме ангажира пред 2018-та година. Кога го продолжив мојот договор со Борусија за нови четири години, тоа го направив затоа што навистина имам намера да останам толку во клубот. Ништо се нема променето, ниту пак ќе се промени“, порача тренерот на „Милионерите“.