Млад тетовец тешко повреден по пад од покрив

Нетпрес

23/11/2017

13:41

307

Големина на фонт

а а а

Во тетовската клиничка болница вчера околу 10 часот бил донесен 27-годишниот тетовец со скршеница на левото рамо и повеќе набиеници на ребрата. По укажаната лекарска помош, итно е префрлен на скопските клиники.

Тетовецот П.Р. повредите наводно ги задобил при паѓање од покривот на сопствената куќа, лоцирана на улица „Јордан Златановски“ во Тетово, каде заедно со неговиот татко работеле, односно ги заменувале ќерамидите. Најверојатно поради невнимание, тој се лизнал и паднал покрај имповизирана ограда во дворот на куќата, од височина од околу 10 метри, информираат од СВР Тетово.

Веднаш до него дотрчал татко му и уште едно друго лице, негов пријател, го подигнале и го ставиле во возило, со кое го однесле во болница.

Извршен е увид на местото на несреќата, се расветлува причината за паѓањето на П.Р, околностите во кои се случило и другите поединости.



Спонзорирани линкови

Маркетинг