Низ светот се шири неизлечива болест, а се пренесува преку орален секс

Точка

13/07/2017

16:53

13.126

Големина на фонт

а а а

Откако Мајкл Даглас сериозно изјави дека не практикува орален секс бидејќи верува дека токму кунилингус, односно ХПВ, му предизвикало рак на грлото, многумина само се насмеаа и одмавнаа со рака мислејќи дека такво нешто е невозможно...

Иако потпаролот на Даглас за медиумите веднаш испрати допис во кој се наведува дека актерот изјавува дека лекарите "само се сомневаат на одреден вид на карцином кој го предизвикуваат одредени сексуално преносливи болести", класичната медиумска бука околу тоа дали изјавата е погрешна, точна или само делумно точна целата оваа приказна ја претвори во циркус кој набрзо беше заборавен и од кој никој не извлече никаква корист. Сепак, опасноста постои, но во овој случај не се работи за рак туку неизлечива форма на гонореа. 

Ова не е неочекуван феномен

И пред ова да се претвори во класично ширење паника, треба да се земе во предвид дека тоа не е неочекуван феномен. 

Живееме во свет кој благодарение на напредокот на медицината на огромен број луѓе им овозможува отпорност против различни бактериски инфекции. Сепак, лекарите со децении упорно не предупредуваат на еден голем проблем кој најчесто го занемаруваме и кој останува скриен во морето неважни вести. 

Всушност, овој навидум безбеден свет се руши пред нашите очи, а бактериите полека се навикнуваат на антибиотиците кои ги употребуваме за се и сешто, а не само кога навистина ни се потребни. 


Различни бактерии со различна брзина развиваат отпорност на лекови, а најлошите од нив до сега ја имаат достигнато критичната точка бидејќи нема комбинација на антибиотици која би се покажала делотворна. Како што пренесуваат многу медиуми ширум светот, една од бактериите на оваа листа е и онаа која ја предизвикува една од најчестите сексуално преносливи болести - гонореата. 

Полошо е отколку што мислиме

Според најновите истражувања од страна на Светската здравствена организација, ситуацијата е уште полоша отколку што многумина мислат, а експертите тврдат дека оралниот секс дополнително ја влошува оваа веќе драматична ситуација. 

Во кратки црти, податоците од истражувањата собрани во периодот од 2009-та до 2014-та година од 77 земји покажаа дека случаите на гонореа отпорна на антибиотици е присутна низ целиот свет (во 97% од земјите опфатени во истражувањето пронајдени се примероци на гонореа отпорна на ципрофлоксацин).

И додека од една страна ова и не е преголемо изненадување за лекарите кои веќе одамна се запознаени со фактот дека големиот дел од лекарствата, вклучувајќи го и пеницилинот, не делуваат во борвата против бактеријата која ја предизвикува оваа венерична болест, во предвид треба да се земе еден далеку попроблематичен податок. Всушност, моменталните третмани против гонореа вклучуваат терапија од еден стандарден антибиотик (азитромицин) и антибиотик за тешки случаи (со широк спектар на цефалоспорини).

И тука доаѓаме до алармантно сознание

Гонореата станува неуништлива

Во дури 81% од земјите, истражувачите откриле зголемена отпорност на азитромицин, а во 66% одредени видови покажале отпорност и на цефалоспорин. Посебно вознемирувачки се три случаи (Јапонија, Франција и Шпанија) каде лекарите се сретнале со бактерии отпрони на апсолутно сите познати комбинации на антибиотици.

"Овие случаи можат да бидат врвот на ледениот брег бидејќи системите за дијагноза и известување на неизлечиви болести не се развиени во сиромашните земји во кои гонореата е далеку почеста", предупредува Теодора Ви од Светската здравствена организација. 

Иако некои ќе кажат дека болеста сама по себе не е смртоносна (многу од заразените, особено жени, некогаш не ни имаат симптоми на инфекцијата), идејата за ширењето на "супер-гонореја" е застрашувачка. Во случај болеста да не се излечи, гонорејата предизвикува генитални оштетувања и воспаление кои подоцна водат кон неплодност и кај мажите и кај жените, а во исто време го олеснуваат развојот на разноразни инфекции вклучувајќи и ХИВ. Исто така, болеста се пренесува од мајката на плодот, а тоа го зголемува ризикот од спонтан абортус или слепило кај децата. 

Пред две години во САД беа евидентирани 400.000 нови случаи на пациенти, а лекарите за зголемувањето на бројката на заболени ги обвинуваат отпорните видови на бактерии. Во светот годишно се забележани 78 милиони инфекции годишно. Меѓутоа, отпорноста на антибиотици не е единствениот проблем, тука е и неупотребата на кондоми, честите патувања и нередовните прегледи на лекар. Всушност, токму поради комбинацијата од сите овие фактори само прашање на време е кога новиот облик на гонореја ќе стане стандард.

Проблематичен орален секс

Ви во интервју за BBC додала дека ширењето на болеста дополнително ја влошува нашата тенденција претерано да користиме антибиотици за третман на мали болести бидејќи гонорејата и нејзините помалку зли роднини живеат и во грлото. "кога употребувате антибиотици за лечење на вообичаено воспаление на грло, тие се мешаат со бактеријата Неисериа што доведува до отпорност на антибиотиците при третман на посериозни инфекции", говори Ви објансувајќи дека овие нови резистентни соеви се шират меѓу луѓето кои практикуваат орален секс без заштита. 


За жал, ова е болест за која во овој момент нема лек. Треба да се напомене и дека постојат три нови лекарства кои моментално се во клинички испитувања, а само еден од нив е во завршна фаза. исто така, лекарите се обидуваат да најдат вистинска комбинација од веќе постоечки лекови па дури ја истражуваат и ефикасноста на плакнење на устата со цел да се спречи ширењето на гонореја, но постојат два проблеми - недостаток на финансиски средства и потполна незаинтересираност на фармацевтските компании. Новите антибиотици не носат заработка бидејќи не се употребуваат за лекување на хронични болести. 

И како што заклучува Ед Кара во текстот, ситуацијата ќе се влоши пред да се подобри. 



Спонозорирани линкови

Маркетинг