Сицилија ги запира авионските летови заради вулканската пепел од Етна

Макфакс

17/03/2017

14:42

420

Големина на фонт

а а а

Властите на Сицилија во петок ги запреа летовите од аеродромот Комизо заради вулканската пепел во воздухот по ерупцијата на вулканот Етна, која четврт ден продолжува да исфрла лава.

Летовите кон аеродромот Комизо се запрени до 13 часот, додека летовите кон аеродромот Катанија се ограничени на пет во еден час.

Во четврток вкупно 10 луѓе се полесно повредени кога вулканската лава се излеа на снегот на височина од 2700 метри, па излетниците и вулканолозите биле изложени на парчиња лава.

Лавата избива од југоисточниот кратер на вулканот Етна.

Мали ерупции се чести на тој вулкан, а последната голема ерупција се случи во 2009 година.

Етна е еден од најактивните вулкани на светот.


Спонозорирани линкови

Маркетинг