5 знаци дека мажот е добар во кревет

Точка

18/02/2017

16:12

14.468

Големина на фонт

а а а

Пронајдовте нов партнер и подготвени сте да ја одведете врската на ново ниво – она во спалната соба. Но, како можете да знаете дали вашиот партнер ќе добие „петка“ во кревет?

За среќа, постојат знаци кои ќе ви покажат дали новиот маж во вашиот живот е вреден да ви стане љубовник. Проверете дали ветува дека ќе биде добар во таа улога.

1. Се однесува како џентлмен

Дали ви ја отвара вратата, ви помага да го соблечете капутот, не заборава да ве праша како поминал вашиот нов проект на работа? Сето ова значи дека мисли на вас, а ако е обзирен џентлмен надвор од спалната соба, можете да бидете сигурни дека исто ќе се однесува кон вас и кога ќе се изгасат светлата.


2. Знае како да ве допира

Добар љубовник е оној кој ја цени сензуалноста и надвор од спалната соба. Мажот кој ви ја допира раката за време на вечерата, нежно ви го допира грбот додека излегувате низ врата, незабележително ве фаќа за раката додека шетате, ќе знае како да ве допира по целото тело.

3. Не се врти сè околу него

Многу е веројатно дека типот на маж „ајде сега да разговараме малку за мојот автомобил“ нема да биде некој со кого ќе сакате да го повторите сексот, ако воопшто дојде до него. Во кревет ќе ве усреќи оној кој ќе ве праша како сте го поминале денот, ќе ве одведе во вашиот омилен ресторан иако не е најголем љубител на таа храна, ќе погледне со вас романтична комедија...


4. Не му се брза

Мажот кој со вас сака да има сериозна врска, знае дека сте вредни за чекање. Поради тоа, ако ви каже „ќе почекаме“ и „не ми се брза“, немојте да мислите дека ве одбива, туку знајте дека сака подобро да ве запознае за да ви биде што подобар партнер во кревет.

5. Покрај него се чувствувате прекрасно

Мажот со кој во кревет ќе се чувствувате слободно и отворено, не штеди на комплименти и ќе ја пофали секоја ситница која ќе ја забележи на вас и која му се допаѓа. И на начинот на кој ве гледа ќе се чувствувате секси и привлечни. Таквата хемија гарантира совршен секс.


Спонозорирани линкови

Маркетинг