Меган Маркл ја обвини палатата за овековечување невистини

Војвотката од Сасекс изјави дека Бакингемската палата не може да очекува од неа и од принцот Хари да молчат ако продолжува со лаги за неа и за нејзиниот сопруг. Во краток клип од интервјуто објавен од Си-би-ес, Винфри ја прашува војвотката: „Како се чувствувате кога палатата слуша дека ја зборувате својата вистина денес?“. Меган одговори: „Не знам како можеа да очекуваат дека по сето ова време, сепак ќе молчиме, ако постои активна улога што Фирмата ја игра во овековечување на лагите за нас“. Фирмата е име што британското кралско семејство понекогаш го користи за да се опише себеси.

---