Љубовта не знае за години: Познатата водителка и фудбалерот на Милан уживаат во романса

Дека вистинската љубов не познава години, најдобро го покажува примерот на Елеонора Инкардона (34) и Самуеле Ричи (24).

Фудбалерот на Милан и познатата телевизиска водителка, која известува од натпреварите во Серија А, повеќе не ја кријат својата романса. Првично нивната врска ја чуваа далеку од јавноста, бидејќи госпоѓицата Инкардона е речиси 11 години постара од Ричи.

„Запознав прекрасна личност, со јасни принципи и силни вредности“, изјави презентерката на платформата „DAZN“, па додаде:

„Пресреќна сум што сум со Самуеле. Се запознавме во еден од најкомплицираните периоди во мојот живот. Во тоа време бев фокусирана само на работата, обидувајќи се да го потиснам сè останато.“

Оваа врска предизвика големо внимание во Италија, но парот успешно ги преброди почетните осуди поврзани со разликата во години и во последно време почна отворено да се појавува во јавност. Иако и двајцата се максимално посветени на своите кариери и се трудат да ги сочуваат интимните детали за себе, веќе се препознаени како еден од најубавите парови на италијанската сцена.

Самуеле Ричи летово премина во Милан во трансфер вреден речиси 25 милиони евра. Игра на позицијата дефанзивен играч за врска, а пред „Milan“ настапуваше за Емполи и Торино. Член е на репрезентацијата на Италија од 2022 година.