Шеј Гилџес-Александар игра во фантастична форма и на стартот на новата натпреварувачка сезона, но уште поважно, Оклахома повторно изгледа како најстабилен тим во НБА лигата, дури и на натпревари на кои има голема негатива.
Актуелниот НБА шампион губеше со 19 разлика во втората четвртина на гостувањето кај Мемфис, но уште еднаш покажа карактер и шампионски ген и на крајот се избори за победа.
Шеј заблеска во вистински час и го предводеше својот тим до пресврт победа (114:100), па така на крајот го заврши мечот со 35 поени, 7 скокови и 6 асистенции.
Од стартот на сезоната, ова беше десетта победа за Тандерси во шампионатот, во кој досега загубија само од Портланд пред четири дена.
На останатите натпревари, Голден Стејт победи без Стеф Кари благодарение на лудата последната четвртина која ја доби со 39:18 (победа над Индијана со 114:83), додека Бостон славеше како гостин кај Орландо со резултат 107:111.
