Болоња го потврди статусот на фаворит и во вториот меч со Емполи, меч на кој оствари победа од 2-1 и со вкупно 5-1 се пласираше во финалето на Купот на Италија.
Ова е прво финале за Болоња во ова натпреварување по точно 51 година, резултат кој многу значи, резултат кој го става клубот во позиција да се бори за трофеј.
- Ова беше цел, сон на овој град и на клубот. Постигнавме нешто прекрасно, оддавајќи почит на Купот на Италија уште од самиот почеток, бидејќи кога ќе стигнете до последниот спринт, сите сакаат да стигнат до финалето. Ова достигнување го посветуваме на публиката на овој неверојатен стадион, која ги турка момците од почеток до крај. Го посветуваме на луѓето од Болоња со сето наше срце, - истакна тренерот Винченцо Италијано.
Ривал во завршниот меч за пехарот ќе им биде Милан, а тренерот Италијано верува дека се може да се случи на 14 мај на „Олимпико“.
- Го лутите Милан со овие зборови… Се надевам само дека ќе имам одличен настап, дека ќе влезам во него со ова ниво на самодоверба, а потоа ќе се обидеме да се искачиме на бранот ентузијазам. Играме против одличен тим полн со шампиони, но ова е еден натпревар и сè може да се случи. Едвај чекаме да стигнеме во Рим со 30.000 навивачи зад нас на Олимпико, - подвлече стратегот.
