[ВИДЕО] Уапсена пејачка во Иран: Причината е тоа што одржала концерт на Јутјуб каде не носела хиџаб

Според иранскиот закон за морал на жените, секоја жена има обврска да носи хиџаб во јавност, а жените не смеат да одржуваат јавни концерти или слични јавни настапи.

„Пеам за луѓето кои ги сакам. Ова е право кое не може да се занемари, а јас пеам за земјата којашто многу ја сакам“, изјави Ахмади.

Иако иранската пејачка не одржала концерт во живо, на нејзиниот Јутјуб канал настапот го следеле дури 72.000 гледачи и покрај иранските рестрикции за оваа видео-платформа.

По масовното споделување на овој онлајн концерт, полицијата влегла во домот на Ахмади, по што таа била пренесена на разговор со јавен обвинител во Техеран.