Непријавен патник бил пронајден во авионот што летал од Њујорк за Париз за време на празникот Денот на благодарноста, соопштија властите, пренесоа денеска американските медиуми.
„Слепиот патник“ бил откриен во авион што полетал од њујоршкиот аеродром ЏФК за Париз, а бил изнесен од авионот по слетувањето на аеродромот „Шарл де Гол“, соопштија властите, пренесува „Еј-би-си њуз“.
Лицето што влегло во авионот ги заобиколило проверката на документите и агентот на влезот на летот, но детаљно бил проверен на безбедносниот пункт на њујоршкиот аеродром, навела авијациската управа, пренесува „Танјуг“.
Како што додаваат, тоа значи дека ова лице немало никакви забранети предмети со себе и не претставувало безбедносна опасност, пренесува „Танјуг“.
Сè уште не е јасно како крадецот успеал да ја заобиколи контролата на документите на местото за пријавување.
За инцидентот е известено Федералното биро за истраги (ФБИ). Други детали за лицето што успеало да се качи во авионот без да биде пријавено засега не се објавени. Компанијата соопшти дека води исцрпна истрага за она што се случило, како и дека ќе соработува со други служби до утврдување сите околности на овој случај.
