Министерката за внатрешни работи ги предупредува посетителите на божиќните пазари да бидат внимателни.
Германските власти ги повикаа граѓаните да бидат претпазливи при посетата на божиќните пазари поради потенцијалната закана од исламистички напади.
Министерката за внатрешни работи, Ненси Фезер, истакна дека иако нема конкретни индиции за непосредна опасност, „со оглед на високото ниво на апстрактна закана, неопходно е да бидеме внимателни и да применуваме соодветни мерки.“
Канцеларијата за заштита на уставниот поредок потврди дека заканата од исламистички тероризам останува висока. Германија продолжува да биде цел на терористички организации, особено „Исламска држава“. Божиќните пазари, како симбол на западната култура, остануваат потенцијална цел.
Фезер дополнително посочи на зајакнатите безбедносни мерки, вклучително и продолжената забрана за носење ножеви на божиќните пазари.
„Секој што ќе ја прекрши забраната за носење ножеви се соочува со глоба до 10.000 евра,“ изјави министерката.
Во случаи на носење ножеви со скакулец, казната може да достигне до три години затвор.
