За многу сопственици на домашни миленици, доаѓањето на нов член на семејството предизвикува и возбуда и загриженост. Дали мачката или кучето ќе се приспособат? Дали ќе го прифатат бебето? Ариела Спинас од Калифорнија ги имаше на ум токму тие прашања кога за прв пат го донесе своето бебе дома од болница.
Тоу, црно-бел мачор, е со Ариела од нејзината 21 година. Во текот на седум години, оваа миленичка ги поминала сите големи моменти од нејзиниот живот со неа – од средбата со нејзиниот иден сопруг, посвојувањето на друга мачка и куче, па сè до бременоста. За Ариела, Тоу не беше само домашно милениче, туку вистински член на семејството.
Но, со доаѓањето на бебето, мачорот морал да научи да го споделува вниманието што дотогаш го имал само за себе.
@ariellaspinas I used to dream of the day Toe would meet my future kids. Seven years later…a pup, a husband, another kitten & here we are finally🥹 #catsoftiktok #newborn #catmeetsbaby ♬ stuff we did - LBFD
Кога Ариела и нејзиниот сопруг првпат го донеле своето новороденче дома, не знаеле што да очекуваат. Клипот, кој оттогаш стана вирален на "TikTok" со повеќе од 2,5 милиони прегледи, го прикажува сопругот на Ариела како го држи бебето во раце, додека Тоу седи веднаш до него.
Најпрво мачорот со неверување ја набљудува ситуацијата, но набрзо му приоѓа на детето, го душка и нежно ја трие главата од него, што е типичен знак на наклонетост кај мачките. Со тоа Тоу испрати јасна порака: „Ти ми припаѓаш мене“.
Оттогаш, Тоу е постојано со бебето – нежно го допира со шепата, го следи низ куќата и се чини дека целосно ја прифаќа како дел од семејството.
