Гол за најавните шпици: Меси и Лаутаро се погрижија за фудбалска магија во Буенос Аирес

„Гаучосите“ се сретнаа со репрезентација која немаше офанзивни афинитети и која не испрати ниту еден шут кон голот на Дибу Мартинез, а така поставени тимови, секогаш е посебно тешко да се скрши отпорот.

Сепак, една бравура на Лионел Меси и Лаутаро Мартинез заврши зад грбот на перуанскиот голман, момент кој сигурно во иднина ќе послужи за дел од најавните шпици за мундијалските квалификации.

Од една крајно тешка ситуација, Меси и Лаутаро успеаја да креираат фудбалска магија, бидејќи првиот асистираше, а вториот изведе волеј за паметење во Буенос Аирес.

Капитенот на Интер акробатски ја зафати топката со послабата лева нога, по што следеше ерупција од домашните фанови на трибините.