Унгарскиот министер за надворешни работи Петер Сијарто рече дека „суверено право на Унгарија е да преговара со кого сака“.
Шефот на унгарската дипломатија пристигна во Минск на Конференцијата за евроазиска безбедност. Говорот од 14 минути започна на руски, но брзо се префрли на англиски. Ниту еднаш не ја спомна Украина.
Тој само потсети дека „Европа и Унгарија се соочуваат со еден од најсериозните конфликти од Втората светска војна“.
Тој ја истакна важноста на „евроазиската соработка“ и „единството во евроазискиот регион“. По говорот тој се сретна со рускиот министер за надворешни работи Сергеј Лавров. Тој му рекол дека Будимпешта сака да ја зголеми економската соработка со Москва во областите „незасегнати од санкциите“, особено во енергетскиот сектор.
🇭🇺🇷🇺Hungarian Foreign Minister Szijjarto began his speech in Russian at the Minsk Conference on Eurasian Security, thanking the organizers for the invitation.
— Ksenon 🖤💙❤#наДонбассеВойна8лет (@Ksenon_rus) October 31, 2024
Thank him for showing respect to Russian speaking people 😊 pic.twitter.com/tDuI6kkibx
Тој разговараше и со белорускиот министер за надворешни работи Максим Риженков. „Мислиме дека светот се распаѓа затоа што некои луѓе сакаат да им кажат на другите кој со кого може да разговара, кој со кого може да се сретне, а кој не може. Имаме суверено право да преговараме со кого сакаме“, рече Сијарто по тој разговор. .
Тој додаде дека во „национален интерес“ на Унгарија е да ја зголеми соработката со Белорусија, што го пофали неговиот белоруски колега. „Размислувавме да ви дадеме канцеларија овде бидејќи често патувате во Минск“, рече Риженков.
