Во два одвоени пожари во германскиот град Есен, на западот од Германија, вчера беа повредени околу 30 лица, вклучувајќи две мали деца коишто се во критична состојба, поради чадот којшто го вдишале, соопштија локалните власти.
Полицијата соопшти дека е уапсен 41 годишен Сириец од Есен, којшто се поврзува со пожарите.
„Мажот е поврзан со инцидентот во којшто учествуваше комбе кое удри во две продавници“, изјави портпаролот на полицијата и додаде дека во текот на тој инцидент немало повредни лица. Сириецот бил уапсен во близина на двете продавници.
Ein 41 jähriger Syrer setzte heute Abend zwei Häuser in Essen in Brand. 31 Menschen sollen dabei verletzt worden sein, darunter zwei schwerverletzte Kinder.
— Yvonne Kussmann (@YveK22) September 28, 2024
Im Anschluss fuhr er mit einem Transporter in zwei Ladengeschäfte und griff Menschen mit einer Machete an.
Mutige… pic.twitter.com/2VN3o6LRU1
Полицијата соопшти дека не е во состојба да ги открие деталите и мотивите на осомничениот.
„Пожарите избувнаа во две куќи последователно, што предизвика обемна реакција на итните служби“, велат од полицијата.
На повредените им беше пружена лекарска помош, а неколку лица беа пренесни во болница.
„Помеѓу осумте тешко повредени деца, две се во критична состојба поради вдишувањето на чадот“, изјавија пожарникарите.
Портпаролот на полицијата одби да ги коментира извештаите дека Сириецот се заканувал со нож и мачета, а властите ги прегледуваат снимките коишто се шират на социјалните мрежи.
