Студентот по медицина на Харвард, Д-р Ник Норвиц, одлучил да изеде 720 јајца за само еден месец за да испита како високиот внес на јајца влијае на неговиот холестерол. На крајот од експериментот открил дека нивото на холестерол му паднало за речиси 20 отсто, што е спротивно на очекувањата, пишува „New York Post“.
Пред почетокот, Норвиц ја изнел хипотезата дека 60 дузина јајца нема негативно да влијаат на неговиот лош ЛДЛ холестерол. Во текот на месецот консумирал 24 јајца дневно, што значело дека консумирал повеќе од 133.200 милиграми холестерол. И покрај зголемувањето на холестеролот во исхраната, нивото на ЛДЛ се намалил за 2 отсто во првата недела, а потоа се во последните две недели паднало за дополнителни 18 отсто.
Како би ги тестирал понатамошните ефекти, Норвиц одлучил да воведе овошје како што се боровинки, банани и јагоди во неговата исхрана во последните две недели, што довело до значително намалување на нивото на ЛДЛ.
И покрај овој екстремен прехранбен експеримент, Норвиц јасно ставил до знаење дека мотивацијата зад овој тест е да поттикне дискусија за диетите и здравјето на социјалните мрежи. Преку неговите ексцентрични прехранбени навики и резултати, тој се надевал дека ќе го привлече вниманието на научниците и ќе стимулира дополнителни истражувања за метаболичкото здравје.
