Заситените масти во исхраната, како и дебелината, го поттикнуваат создавањето на холестерол во црниот дроб, а правилото е дека колку е повисоко нивото на холестерол во крвта, толку е поголем ризикот од срцев и мозочен удар.
Дали вашиот холестерол е опасно висок може лесно да се утврди со самопреглед.
Лекарите велат дека одредени типови на испакнатини во близина на очите и отечени раце и нозе може да укажуваат на тоа дека вашиот холестерол достигнал ниво што го зголемува ризикот од срцев и мозочен удар.
Милиони луѓе страдаат од висок холестерол (мастите се таложат во вените и крвните садови и го ограничуваат протокот на крв во и од срцето).
Студиите проценуваат дека околу 40 проценти од луѓето со потенцијално фатална состојба, која се дијагностицира преку тест на крвта, не знаат дека ја имаат, па затоа не добиваат третман. Заситените масти во исхраната, како и дебелината, го поттикнуваат формирањето на холестерол во црниот дроб. Правилото е дека колку е повисоко нивото на холестерол во крвта, толку е поголем ризикот од срцев и мозочен удар.
Се верува дека милиони срцеви и мозочни удари би можеле да се спречат секоја година доколку навреме се откријат и лекуваат оние со висок холестерол. Експертите велат дека има знаци кои лесно се забележуваат и за кои малку луѓе знаат.
Испакнатините околу очите, обично жолти поради бојата на маснотиите под кожата, се знак за висок холестерол, како и испакнатините и отокот на рацете. Овие грутки на лицето се нарекуваат ксантелазма и обично не се болни. Сепак, тие може да укажуваат на тоа дека маснотиите течат низ крвотокот.
Друг знак на лицето е тенок син, бел или сив круг околу обоениот дел од окото, ирисот. Често започнува како линија на врвот и на дното на ирисот, пред да еволуира во полн круг. Кругот станува позабележлив со возраста и најчесто се забележува кај мажите.
Третиот и најчест знак за акумулација на маснотии во крвта се нарекува оклузија на ретинална вена, што предизвикува испакнување на окото. Тоа обично се случува кога парчиња маснотии во крвните садови се откинуваат и ја блокираат вената што ја снабдува со крв мрежницата, предизвикувајќи истекување на маснотиите.
Вашите раце можат да откријат исто толку знаци на акумулација на холестерол како и вашите очи. Сепак, многу луѓе може да ги игнорираат симптомите како што се отечен зглоб или мали испакнатини на рацете.
