Мари Бјукен (42) од Велика Британија цел живот го живеела со бонуси кои ги дава државата, како детски додаток. Невработената Мари е мајка на осум деца, пишува "Daily Mail". Таа досега има добиено околу 600.000 евра социјални пари од државата. Вели дека можела да си дозволи операција за зголемување на градите и затегнување на вагината, но купила и коњ. Пред раѓањето на своето прво дете била танчерка во ноќен клуб.

„Тоа што сум на социјална помош никогаш не ме спречи да правам што сакам . Имав многу луксуз“, изјави таа за "The Sun".

Меѓутоа, таа не можела да се грижи за коњот, па морала да го предаде.

„Платив однапред 600 фунти (околу 770 евра) за коњот, а потоа морав да плаќам дополнителни 100 фунти месечно за да го одржувам. Храната беше околу 25 фунти (обично околу 30 евра) месечно. Тоа беше голема грешка. Се покажував пред луѓето и навистина се каам за тоа“, изјавила таа.

Сепак, Бјукен инсистира дека парите што ги заработила на саемите од багажникот на нејзиниот автомобил ги искористила за нејзините пластични операција. Но, се верува и дека предметите што се продавале на тие настани се купени со парите што таа ги добила од државата.

Таа отпатувала во Турција во 2018 година и предизвикала гнев во јавноста. Даночните обврзници го сметаат за контроверзен фактот дека ги зголемила градите од 34Б на 36ДД – со нивни пари, околу 1.800 евра. Но, таа не застанала тука. Следната година повторно се нашла на насловните страници кога било откриено дека отпатувала во странство на ласерски третман за да постигне „дизајнерска вагина“. И повторно инсистирала дека платила со пари заработени од продажба на саеми.

„Навистина летав во странство на операција, но тоа е нешто за што сега жалам. Тоа беше голема грешка и е срамно за моите деца“, рекла таа.

Мајката на осум деца, која вели дека немала многу додека растела, влегла во системот на социјална помош кога го добила своето прво дете на 19 години. Таа тогаш повремено користела социјална помош бидејќи секогаш кога ќе родела дете престанувала да работи. Таа решила целосно да се посвети на воспитувањето на своите деца, што значело да остане на социјална помош.

Вели дека работата не ја мотивира, бидејќи на нејзиното семејство „ му е подобро со социјална помош“.

„Многу е лесно да се остане во системот цел живот“, вели Бјукен.

Презафатена за работа

Поранешната танчерка и мајка на осум деца, која добива речиси 24.000 евра годишна социјална помош, тврди дека „работи“ 21 час на ден. Избегнала иселување и покрај долгот од околу 4.700 евра неплатена кирија. Таа претходно се најде на насловните страници бидејќи тврдела дека е принудена да користи банки за храна за да ги прехрани своите деца поради намалувањата на бенефициите.

„Тоа е огромна борба за мене. Две од моите ќерки сега имаат над 16 години, така што моите бенефиции, како што се детски додаток и даночни кредити, се намалени. Сега со околу 200 евра неделно ми е потешко од порано. Тешко е и користам банки за храна само за да преживеам. Во основа живеам на банки за храна во моментов. Мора да го правите она што треба за да преживеете, и јас сум многу благодарна што можам да сметам на нив. Тие се спас за мене и за многу други луѓе“, изјавила таа во 2021 година.

“За жал, ми го дадоа прекарот „октомама“, а тој прекар остана. Тоа дефинитивно ме спречува да најдам работа. Аплицирав за неколку работни места. Работодавците на почетокот се заинтересирани, но кога ќе разберат која сум, ме одбиваат. Се плашам дека никогаш нема да можам да се ослободам од прекарот „октомама““, продолжи таа.

Таа откри и дека на интернет добива страшни навреди.

“Некои од навредите што ги добивам се навистина одвратни. Ме нарекуваат паразит и велат дека „се надеваат дека ќе умрам наскоро“. Други ме нарекуваат „експлоататор“, а јас добивам закани од мажи кои сакаат да дојдат и да „ми одржат лекција“ Понекогаш е вистински пекол. Не знам што добиваат луѓето од тоа да бидат толку злобни, претпоставувам дека им дава некоја болна забава. Тешко е да се читаат такви работи, а тоа е ужасно и за децата. Кога веќе се чувствувате лошо, тоа може да ве спушти уште пониско“, објасни таа и додаде дека за заканите контактирала и со полицијата.

Владата ја зајакнува борбата против измамите со бенефиции

Премиерот на Обединетото Кралство Кир Стармер најави дека неговата влада ќе ја засили својата борба против измамите со бенефиции со ново законодавство во обид да ја намали „невработеноста“.

“Ако сакаме да ја задржиме поддршката за социјалната држава, тогаш ќе донесеме закони за да се запре измамата со бенефиции и ќе направиме сè што можеме за да се бориме против невработеноста“, рече тој. Тој изјави дека верува оти долгорочните приматели на социјална помош треба да бараат работа доколку се во можност.