Нов земјотрес со јачина од 5,1 степен според Рихтеровата скала ја потресе централна Турција пред неполн час.
Ова е 203-ти земјотрес што ја погоди Турција во последните 55 часа.
Според податоците на Европско-медитеранскиот сеизмолошки центар, епицентарот на земјотресот бил на 5 километри северозападно од градот Гоксун.
?#Earthquake (#deprem) M5.1 occurred 5 km SW of #Göksun (#Turkey) 9 min ago (local time 10:48:36). More info at:
— EMSC (@LastQuake) February 8, 2023
?https://t.co/LBaVNedgF9
?https://t.co/86IrvWLqEg
?https://t.co/T9FlKx92PM pic.twitter.com/YwNZXlxz4B
За потсетување, во понеделникот рано наутро земјотрес со јачина од 7,8 степени ги погоди Турција и Сирија, по што неколку часа подоцна следеше уште еден речиси исто толку силен. Сруши илјадници згради, вклучувајќи болници, училишта и станбени блокови, оставајќи илјадници луѓе без покрив над глава.
Бројот на загинати во овие два земјотреси според последните официјални податоци надмина 8.300, а спасувачите сè уште се во потрага по преживеани.
Турскиот претседател Реџеп Таип Ердоган прогласи вонредна состојба во 10 покраини.
Повеќе од 12.000 турски спасувачи работат на погодените подрачја, заедно со 9.000 војници, додека повеќе од 70 земји се понудија со свои спасувачки тимови и друга помош.