НАТО веќе долго е вмешан во хибридна војна против Русија, колку и да се обидува да го оправда своето прекумерно праќање на оружје во Украина, рекол денеска рускиот министер за надворешни работи Сергеј Лавров.
Тој на прес-конференцијата по состанокот со египетскиот колега истакнал дека тоа е факт, без разлика на тоа што го зборуваат западните партнери, вклучувајќи ги и познатите пароли како таа дека „патот до мирот оди преку испорака на оружје“, пренесува „TAS S“.
„Станува збор за тоа дека НАТО е вмешан во хибридна војна против Русија веќе прилично долго, која се манифестира во акциите на киевскиот режим“, рекол тој.
Лавров нагласил дека Москва презема неопходни мерки за да се спречат обидите за претворање на Украина во уште една закана по безбедноста на Русија.
„Гледаме како на Западот се развиваат дискусии за понатамошно пумпање на Украина со сè посериозно вооружување, вклучувајќи и офанзивно“, рекол Лавров.
Додал дека Москва го следи овој процес, додека вооружените сили прават се да ја осуетат реализацијата на плановите на Западот, пренесува „Tanjug“.
„Ќе продолжиме да спречуваме киевскиот режим за да не преовлада во политика на дискриминација и уништување на првата на сите украински граѓани и поранешни граѓани на Украина, кои се чувствуваа како дел од руската историја, култура и традиција“, подвлекол Лавров.
