Супермоделот Кристен Мекменами паднала на пистата за време на ревијата на високата мода на Валентино на овогодишната модна недела во Париз.
Манекенката, која беше незаменлива појава на меѓународните модни писти во 80-тите години, се мачела додека чекорела во дизајнерските потпетици на споменатата модна куќа.
Откако се борела да направи неколку чекори, Мекменами изгубила рамнотежа и паднала на колена. Гостите од публиката веднаш скокнале да ѝ помогнат. Меѓутоа, пред да стигнат до неа, Мекменами, видно исфрустрирана од ситуацијата, ги соблекла потпетиците и станала. Со по еден чевел во раката го завршила шоуто, но боса.
This video makes me never want to buy Valentino shoes pic.twitter.com/OihjTCXBn6
— Eboni? (@VersaceVenus_) January 25, 2023
Видеата од тој момент станаа вирални и собраа милиони прегледи на социјалните мрежи.
Бројни Интернет корисници го поддржаа топ моделот.
„Не знам зошто луѓето велат дека зависи од неа кога чевлите ѝ се очигледно неудобни и тешко оди дури и откако ги соблекува“, „Ова видео ме тера никогаш да не сакам да купам чевли на Валентино“, „Јасно е дека трпи болка“, „Ова е болно за гледање“, се дел од реакциите на Твитер.
Мекменами подоцна се пошегува за целата ситуација.
„Пред да паднам“, напиша таа покрај фотографијата на која се подготвува за модната ревија.