Во последното видео го имитираше гостувањето на Вучиќ кај Салт Бае.

„Кај Нусрет“, гласи насловот на објавата која насмеа многумина и собра речиси пет илјади допаѓања и стотици коментари на Фејсбук.

Голубовиќ ги отелотворил и претседателот и познатиот готвач, кој во видеото прво му нуди на Вучиќ капучино, а потоа го храни со лиснато тесто од неговите раце.

Некои се воодушевени од имитацијата, други се бесни и го бранат Вучиќ

„Честито, го симнуваш за десетка“, „Каков крал си“, „Останав гладен и жеден кај Нусрет“, „Како го симна, долго гледав дали е навистина тој на видеото“, „Само продолжи така“, „Повеќе личи на Вучиќ отколку Вучиќ на Вучиќ“, се само дел од коментарите на корисниците под објавата.

Но, има и такви кои го бранат претседателот и го напаѓаат Далибор.

„Никогаш нема да имаме подобар претседател“, „Каква будала, нека оди во друга држава да се исмева со претседателот и да види како ќе помине“, „Што е смешно овде, да живее нашиот претседател“, се дел од коментарите во кои го „бранат“ Вучиќ.