Кинескиот претседател Ши Џинпинг пристигна во Саудиска Арабија, објавија кинеските државни медиуми. Станува збор за посета која Пекинг ја опиша како своја најголема дипломатска иницијатива во арапскиот свет додека Ријад прави глобални партнерства и надвор од долгогодишните врски со Западот.
Средбата меѓу лидерите на глобалниот економски и заливскиот енергетски џин доаѓа во време на влошени врски меѓу Ријад и Вашингтон по американските критики околу состојбата на човековите права во земјата, како и саудиската поддршка за намаленото производство на нафта во ноември.
Се очекува принцот престолонаследник Мохамед бин Салман да му понуди раскошно добредојде на Ши, за разлика до скромниот прием на американскиот претседател Џо Бајден.
Ши прво ќе се состане со водството на Саудиска Арабија, а потоа ќе учествува на поширок состанок на сојузот на шесте заливски арапски земји и на самитот со арапските лидери, што ќе биде епохална пресвртница во историјата на развојот на кинеско-арапските соработки, изјавил портпаролот на кинеското министерство за надворешни работи Мао Нинг.
Пекинг се надева дека ќе прати силна порака за зајакнување на единството и соработката, додал Мао. Саудиска Арабија, која смета дека Вашингтон постапно се одвојува од Блискиот исток и дека доаѓа до ерозија на безбедносните гаранции, Кина нуди можност за економски придобивки.
За разлика од Вашингтон, Пекинг го задржал добрите врски со регионалниот ривал на Ријад, Иран, уште еден доставувач на нафта во Кина. Кина, најголемиот светски потрошувач на енергија, е главен трговски партнер на заливиските произведувачи на нафта и гас.
Саудиска Арабија е најголем кинески доставувач на нафта, а државната компанија „Saudi Armaco“ има долгогодишни договори за снабдување со шест кинески рафинерии.
