Хулахопките во боја се повторно назад во тренд

Тоа значи дека трендовите од средината на 00-тите години, како шишки, балетанки, полека се враќаат во мода, а најновиот додаток на таа листа е смелите шарени хулахопки.

Тафтуваните хулахопки во живописни бои имаа свој момент во колекцијата пролет 2023 на Раф Симонс. Тие блеснаа на модната писта на модната недела во Париз на ревијата на Викторија Бекам, додека Марк Џејкобс ги претстави цветните и карираните.

Надвор од модните писти, враќањето на хулахопките во боја го доживуваме првенствено со враќањето на балетанките, кои станаа омилени обувки на генерацијата Z. Уметницата Брижит Крисп го измисли терминот „ballerina sleaze", кој ги комбинира „balletcore" и „indie sleaze" естетиката, за да го опише женскиот edgy тренд, чија популарност расте уште од минатата година.

Смелите и светли бои се во согласност со движењето на максимализмот што го зафати модниот свет како форма на бегство од реалноста за време на пандемијата. Ексцентричниот тренд на хулахопки се однесува и на враќањето на Twee естетиката, популаризирана од Алекса Чунг и Зои Дешанел со нивниот женствен и привлечен стил во раните 00-ти. Twee ѝ оддава почит на модата од 60-тите, особено на естетиката на супермоделот Твиги и нејзините комбинации со мини здолништа и хулахопки.

Без разлика дали станува збор за хулахопки во светли неонски бои, ексцентричен дизајн и принт или искинати, можете да бидете сигурни дека ќе доминираат насекаде оваа сезона.