Русија денеска соопшти дека ќе продолжи да бара купувачи за својата нафта.
Русија денеска соопшти дека ќе продолжи да бара купувачи за својата нафта, и покрај, како што е кажано, опасниот обид на Западот да воведе ограничувања на цените за нејзиниот извоз на нафта, пренесува „Reuters“.
Коалицијата на западни земји предводени од групата нации Г7 се согласила да ја ограничи цената на руската морска нафта на 60 долари по барел, бидејќи има за цел да ги ограничи приходите на Москва и да ги попречат нејзините можности да го финансира судирот со Украина.
Рускиот претседател Владимир Путин и високите службеници на Кремљ неколку пати зборувале дека нема да испорачуваат нафта во земјите кои применуваат ограничување на цената.
Во коментарите објавени на Телеграм, руската амбасада во САД го критикувала преобликувањето на принципот на слободниот пазар и повторила дека нејзината нафта и натаму ќе се бара и покрај мерките.
„Ваквите чекори неизбежно ќе донесат до зголемување на неизвесноста и наметнување на поголеми трошоци за потрошувачите“, се наведува во соопштението.
„Без оглед на моменталните кокетирања со опасни и нелегитимни инструменти, уверени сме дека руската нафта и натаму ќе биде барана“.
Ограничувањата на цената од Г7 ќе им овозможи на земјите кои не се членки на ЕУ, да продолжат да увезуваат поморска руска сирова нафта, но ќе им забрани на компаниите за транспорт, осигурување и реосигурување да ракуваат со товар со руска сирова нафта ширум светот, освен ако не се продава за помалку од наведената цена.
