Косовската претседателка Вјоса Османи им се заблагодари на американскиот амбасадор во Приштина Џефри Ховениер и на американската влада за активното учество во постигнувањето на договорoт во Брисел за регистарските таблички.
„Сакам да му се заблагодарам на американскиот амбасадор Џеф Ховенер и на американската влада за нивниот активен ангажман во постигнувањето на договорот во Брисел. Нивната поддршка за процесот на дијалог меѓу Косово и Србија е од суштинско значење. Косово е благодарно“, напиша Османи на „Твитер“.