По вчерашниот руски ракетен напад на Киев, голем дел од главниот град на Украина моментално нема електрична и топлинска енергија.
Поранешниот украински министер за економија, Тимофиј Миланов, на Твитер опишал како моментално се живее во Киев без струја, греење и вода додека температурите паѓаат.
„Добро утро. Втор ден како нема струја во Киев. 247. ден војна. Нема струја, нема греење, нема вода. Температурата е околу нула.
Мојот стан е сè уште топол од претходните денови, но ќе видиме колку тоа ќе трае. Имаме ќебиња, вреќи за спиење, топла облека. Не сум многу загрижен додека температурата не падне под 10 степени Целзиусови.
Проблем се тоалетите. Имаме резерви од околу 100 литри вода. Снег има и на нашиот балкон. Тоа се изненадувачки големи резерви на вода. Но, секогаш кога одам на балконот по неа, морам во станот да пуштам студен воздух и тоа не е добро“, напишал Миланов на Твитер.
Good morning. Day 2 of the most recent Kyiv blackout. Day 274 of the war. There is no electricity, no heating, no water. Outside temperature is around freezing. The apartment is still warm from the previous days. We will see how long it lasts. We have blankets, sleeping bags, 1/ pic.twitter.com/wRmud44Nry
— Tymofiy Mylovanov (@Mylovanov) November 24, 2022
Поранешниот украински министер вели дека храна во продавниците има, но дека предизвик е да се плати бидејќи повеќето каси работат само со кеш, и само неколку од нив се поврзани со плаќање со кредитни картички.
„Банкарскиот систем е стабилен, но ќе отидам да земам кеш во случај телекомот и банките да паднат. Нема топла храна додека не се врати струјата. Ова не е забавно.
Имаме план во два дела – прво ќе купиме батерии кои се еквивалент на домашните Тесла батерии за да имаме струја, а друго – ќе купиме опрема за готвење на гас или дрва“, навел Миланов.
Миланов вели дека на универзитетот во Киев постои подземно засолниште и дека на првиот кат има агрегат. „Во засолништето има храна, греење и интернет, но проблем е водата. Ако не размислувам премногу за се, денот ми е нормален, само без појадок“, тврди Миланов.