Репрезентацијата на Саудиска Арабија го приреди првото големо изненадување на Светското првенство и тоа против Аргентина која важи за селекција која е меѓу главните фаворити за пехарот.
„Гаучосите“ беа доминантни во првиот дел во кој поведоа со погодокот на Лионел Меси (пенал), плус им беа поништени три погодоци поради офсајд. Со овој резултат се замина на пауза, пауза по која следуваа шокантни минути за Меси и компанија.
Имено Саудиска Арабија тргна офанзивно и од 48 до 53 минута преку Ал Шехри и Ал Давсари направи целосен пресврт. Овој шок, удар тешко му падна на фаворитот кој во преостанатиот дел се обидуваше да се врати во игра, ама со исклучок на приликата која ја имаше Таљафико во 63 минута немаа доволно силен притисок кој ќе им овозможи кам-бек.
Со ова заврши серијата на пораз на Аргентина која траеше од 2019 година. Воедно ова за нив е прв пораз на ваков начин на СП од 1930 година, односно да водат во првото полувреме и потоа да мора со наведнати глави да го напуштат теренот.
36 - Argentina have lost a match after a run of 36 games unbeaten (last defeat in July 2019 vs Brazil). And also have lost a World Cup match after leading at half time for the second time in their history after 1930 (back then against Uruguay). Joke.#ArgSau #Qatar2022 pic.twitter.com/TydKupcZP2
— OptaPaolo ? (@OptaPaolo) November 22, 2022