Репрезентацијата на Италија не се прослави и загуби на пријателската средба против Австрија која ја одбележи спектакуларниот гол на Давид Алаба.
„Аѕурите“ претрпеа пораз од 2-0, а истиот според искусниот Леонардо Бонучи се должи на многуте напревени грешки.
- Не бевме на нашето вообичаено ниво, особено во првото полувреме. Направивме многу грешки, знаевме дека Австрија ќе биде агресивна и им оставивме многу простор да нападнат. Јасно е дека овие натпревари имаат за цел да ни помогнат да созрееме и да научиме од искуството, но да се запознаеме подобро, - рече Бонучи кој откри дека дел од фудбалерите го гледале отворањето на Светското првенство.
- Јасно е дека разочарувањето е големо, тажни сме. Некои од нас ја гледаа церемонијата на отворањето на Светското првенство и тоа беше болно. Сепак, не можеме да плачеме по истуреното млеко, тоа е минато и сега не може да се промени, можеме само да гледаме кон иднината.
- Исто како што го изградивме составот за Европското првенство по тоа разочарување на Светското првенство, можеме да го направиме тоа повторно за Лигата на нации и евроквалификациите, - порача стоперот на Јувентус.
