Украинскиот претседател Володимир Зеленски објавил неколку фотографии од Лиман, стратешки важен град кој неодамна го ослободиле украинските сили.
„Нашиот Лиман по заминувањето на окупаторот … Се што е потребно за живот тука е уништено. Тоа го прават секаде на териториите кои ги заземаат. Тоа може да се сопре само на еден начин: со ослободување на Украина. Нам животот ни е потребен, човештвото, правото и вистината, што е можно побрзо“, најавил Зеленски.
Потсетуваме, руските сили во текот на викендот се повлекоа од Лиман, град во источната Доњецка област.
Тој потег означил уште еден триумф на украинската контраофанзива на истокот. Но, фотографиите кои ги објави Зеленски, како и другите фотографии и видеоснимки кои доаѓаат од Лиман, покажуваат град кој е уништен во голема мера.
Our Lyman after the occupier… All basics of life have been destroyed here. They are doing so everywhere in the territories they seize. This can be stopped in 1 way only: liberate Ukraine, life, humanity, law and truth as soon as possible. pic.twitter.com/WInSrmQxsA
— Володимир Зеленський (@ZelenskyyUa) October 5, 2022