Британски Тајмс пишува дека Владимир Путин испраќа „нуклеарен воен воз“ на фронтот во Украина поради страв од ескалација на борбите кои во последно време не им одат најдобро.
Тие тврдат дека Путин се подготвува да тестира нуклеарно оружје за масовно уништување на границите на Украина и дека НАТО ги предупредил своите членки за тоа.
„Кремљ ја сигнализираше својата подготвеност за значителна ескалација бидејќи Русија го губи теренот на бојното поле. Стравувањата поради претходните навестувања на Путин дека тој би можел да прибегне кон таква тактика беа зголемени вчера со тврдењата дека воз управуван од тајна нуклеарна дивизија бил наменет за Украина“, пишува Тајмс.
This "another train with military equipment" is actually carrying kit belonging to the 12th Main Directorate of the Russian MoD. The directorate is responsible for nuclear munitions, their storage, maintenance, transport, and issuance to units. 1/ https://t.co/41QlVUpEGO
— Konrad Muzyka - Rochan Consulting (@konrad_muzyka) October 2, 2022
Во централна Русија, фотографиран е воен конвој возила за кој се верува дека се движи кон Украина, а припаѓа на единица која управува со централните складишта за нуклеарно оружје.
Конрад Музика, одбранбен аналитичар со седиште во Полска, рече дека возот бил поврзан со 12-та главна управа на руското Министерство за одбрана, која е одговорна за „нуклеарна муниција, нивно складирање, одржување, транспорт и издавање до единиците“.
Ова може да значи дека нуклеарното оружје се носи на фронтот, се користи за обука или тоа може да биде обид на Путин да му се закани и да го заплаши Западот. Иако Кремљ тврди дека започнувањето нуклеарна војна е неприфатливо, Путин пред да припои четири украински територии изјави дека секој напад врз Русија ќе покрене нуклеарна војна, па ситуацијата сега е уште понапната.
