Лицето кое го носи костимот од симпатичниот Роки, маскотата на Денвер Нагетс, има годишна плата во износ од дури 625.000 американски долари.
Тоа е само 300.000 долари помалку од најмалата плата која ја имаат некои од НБА играчите, но истовремено и повеќе од тоа што повеќето кошаркари на светот заработуваат за една година.
Во Европа само мал број на играчи имаат милионска плата – за таа сума повеќето играчи од најсилните европски лиги можат само да сонуваат, а ситуацијата е уште полоша за кошаркарите на другите континенти.
Покрај Роки, одлично заработуваат и маскотите на Атланта Хокс и Чикаго Булс. Популарниот јастреб Хари годишно инкасира 600.000, а бикот Бени 400.000 долари.
Листата од пет најплатени маскоти ја затвораат горилата Го (Фениск Санс) со 200.000 долари, и стршленот Хуго (Шарлот Хорнетс) со 100.000 долари.