Нобелова награда за медицина доби шведскиот научник Сванте Пабо! Го прославило истражувањето на генот на неандерталците

Сванте Пабо доби Нобелова награда за медицина за „неговите откритија во врска со геномите на изумрените хоминини и еволуцијата на човекот“, се вели во соопштението. Нобеловиот комитет рекол дека Пабо, шведски генетичар, „постигнал нешто наизглед невозможно“, кога го секвенционирал првиот геном на неандерталец и открил дека Хомо сапиенс се вкрстувал со неандерталците.

Доказите за неговото откритие прв пат се појавила во 2010-та година, откако Пабо пронашол метод да издвои, секвенционира и анализира ДНК од коски на неандерталец.

Сванте Пабо е роден во Стокхолм во 1955-та година. Ја одбранил докторската теза во 1986-та година на Универзитетот во Упсала, а постдокторски студии посетувал на Универзитетот во Цирих и Универзитетот Калифорнија во Берлки. Станал професор на Универзитетот во Минхен во 1990-та година. Еден е од основачите на Институтот за еволутивна антропологија „Макс Планк“ во Лајпциг, каде и натаму е активен.